第08037期名记：爱华顿食尾糊收"素"

　　 本报英超记者

　　精选推荐

　　韦根 2曼联推介：曼联

　　爱华顿-0.5纽卡素推介：爱华顿

　　英超保组同争冠都吸引大家眼球，曼联客战韦根应该可以大胜夺冠，而爱华顿主场对住纽卡素，赢波收尾唔出奇。争冠形势好简单，曼联只要赢波就肯定夺冠。费格逊够老到，上轮对住韦斯咸带住班波大炒对手，好快走出之前输畀车路士嘅阴影。而韦根已经保组成功，多多少少会放松，过往对住曼联都好唔到去边，况且主教练係布鲁士，话晒都係曼联旧将，就算唔係松章，费格逊都熟晒布鲁士条路喇，佢知道点样作出针对性部署嚟赢韦根。曼联大炒问题唔大。

　　经过近期连续赢盘后，纽卡素终于出现疲态，上轮主场1比2输咗畀车路士。从场面睇，纽卡素防守始终好成问题，都係有前无后，打死罢就。呢次客场出击挑战爱华顿，始终轻易出问题。而爱华顿上轮客场虽然不敌阿仙奴，但都係小负一球遮，班波状态开始回升，加上主将陆续复出，呢次番到主场，本赛季最后一次面对拥趸，球员点都会搏命。从交锋往绩睇，爱华顿最近3次英超主场对住纽卡都赢到对手，估计呢次可以赢波收“素”。