闷爆星期五！今晚得两场三线联赛畀大家过手瘾，其中头场瑞超AIK苏纳对特利堡，两班波都唔算弗，拣盘唔易兼风险大，反而以佢仲未挞状态，入波唔慌多，安高建议大家细注玩瓣入球细，早留力周末再出击好过。（开赛时间：周六凌晨1:00）
周五孖胆推介

对特利堡可胜不稳

计实力，上季联赛排第五AIK，点秤都会高过上季排尾二特利堡，之不过睇番今季踢头四轮联赛，两队都只系分别赢得一场波，证实状态唔多掂，今晚碰头，AIK都只系可胜不稳格局，主W得1.53嫌热值博率唔高，但撑“让球客胜”又未必信得过特利堡作客水准。

横睇掂睇，比较好路应该会系入球细，事关AIK踢四场先入得两球波，特利堡又有两场赛事食白果，大家攻击力都唔算强，就算话AIK会有中坚艾里夫祖特停赛，应该都唔会畀到几多机会客队，闷波一场无谓花太多心机