礼拜五又系玩德乙最佳时机，胜在比赛唔多，花多时间研究，命中率都高！全日重心系科隆，呢支德国老牌劲旅，以德甲班底德乙作赛，拍埋落其他球队超晒班，今晚对半只脚差落丙组奥厄，让平半咁笋去边度揾，一于支持上盘。
科隆近年成为升降机，长期于德甲同德乙徘徊，佢人脚德甲未必够班，但德乙就真系杀晒，净系德国国脚希美斯，已经玩到其他球队后转；呢位新进国脚为赶上欧国杯尾班车，近期频频士哥交足货，配合另一射手洛华高域，绝对系入球保证。
Combo King
奥厄大堕后救唔番
奥厄虽然阵前易帅，但佢落后尾五球队八分，失地太多睇怕已救唔番，今晚对住同样要抢分科隆，睇怕都系将三分拱手相让。另外两场凯沙罗顿对亚琛，柏达邦对科布伦斯，两支主队都要抢分护级，必采取主攻，捧大盘好路。
